தோனியை பின்தொடரும் மைக்ரோசாஃப்ட் சி.இ.ஒ சத்யா நாதெல்லா!

கிரிக்கெட் வீரர் தோனி விமான பயணத்தின் போது, கேண்டி க்ரஷ் கேம் விளையாடும் புகைப்படங்கள் வெளியான பிறகு அந்த கேம் ஆப் அதிக அளவில் டவுண்லோடு செய்யப்பட்டுள்ளது.

மைக்ரோசாப்ட் நிறுவனத்தின் தலைமை நிர்வாக அதிகாரி சத்யா நாதெல்லா கேண்டி க்ரஷ் கேம் விளையாடுவதில் அதிகம் ஆர்வம் கொண்டவராக உள்ளார். அதாவது கடந்த சில நாட்களுக்கு முன்பு கிரிக்கெட் வீரர் தோனி விமான பயணத்தின் போது கேண்டி க்ரஷ் கேம் விளையாடும் புகைப்படங்கள் இணையத்தில் வைரல் ஆகின.

இந்நிலையில் மைக்ரோசாப்டின் தலைமை நிர்வாக அதிகாரி சத்யா நாதெல்லா, பலரை போலவே தானும் பணி அழுத்தம் அதிகமாக இருக்கும் சமயங்கள் மற்றும் ஓய்வு நேரங்களில் கேண்டி க்ரஷ் விளையாட்டை விளையாடுவதாக தெரிவித்துள்ளார்.

 கிரிக்கெட் வீரர் தோனி விமான பயணத்தின் போது, கேண்டி க்ரஷ் விளையாடும் புகைப்படங்கள் வெளியான பிறகு அந்த செயலி அதிக அளவில் டவுண்லோடு செய்யப்பட்டுள்ளது. மேலும் இந்த கேம் குறித்த தகவல்கள், மீம்ஸ்கள் டிவிட்டரில் அதிகம் வைரல் ஆகி வருகிறது.

மைக்ரோசாப்ட் ஆக்டிவிஷன் ப்ளிஸார்டை கையகப்படுத்துவதற்கு திட்டமிட்டு உள்ள நிலையில், மைக்ரோசாப்டின் தலைமை நிர்வாக அதிகாரியான சத்யா நாதெல்லா, சான் பிரான்சிஸ்கோ ஃபெடரல் நீதிமன்றத்தில் நீதிபதியுடன் மேற்கொண்ட உரையாடலின் போது இதை தெரிவித்தார்.

அப்போது கேண்டி க்ரஷ் மொபைல் கேம் குறித்து கேள்வி எழுப்பட்டது. அதாவது இந்த விளையாட்டு குறித்து தகவல் தெரியுமா என கேட்கப்பட்டது. அப்போது நாதெல்லா, நான் கேண்டி க்ரஷ் கேமை விளையாடுவேன் என்றும், இது என்னுடைய பணிகளில் ஒன்று என்றும் தெரிவித்தார்.

மேலும் சத்யா நாதெல்லா பல்வேறு தளங்களில் ஆக்டிவிஷன் கேம்களின் கிடைக்கும் தன்மையை விரிவுபடுத்தும் நோக்கத்தை கொண்டுள்ளதாக கூறப்படுகிறது. இதுமட்டும் அல்லாமல் மைக்ரோசாப்ட் நிறுவனம் அதன் பாரம்பரிய மென்பொருள் தயாரிப்புகள் எளிதில் செயல்படுத்த கூடியதாகவும் இருப்பதே அந்நிறுவனத்தின் வெற்றியாக பார்க்கப்படுகிறது என்றார்.