நான்காவது காலாண்டு முடிவுகளை வெளியிடும் முக்கிய நிறுவனங்கள்!

பஜாஜ் ஆட்டோ, HDFC, Mahindra Holiday, Nippon, Tata Steel உள்ளிட்ட பல்வேறு நிறுவனங்களின் நான்காவது காலாண்டு முடிவுகல் இன்று வெளியாக இருக்கிறது.

HDFC Asset Management Company, Dalmia Bharath, Bajaj Auto, AU Small Finance Bank, Mahindra Holiday, Mahindra CIE, Nippon, Tata Consumer, Tata Steel Long Products, Rallis India, Mahindra Life ஆகிய நிறுவனங்களின் ஆகியவற்றின் 4வது காலாண்டு முடிவுகள் இன்று வெளியாக உள்ளது.

உள்நாட்டு வாகன உற்பத்தி நிறுவனமான பஜாஜ் ஆட்டோ, முந்தைய நிதியாண்டின் மூன்றாம் காலாண்டில் எதிர்பார்த்ததை விட சிறந்த லாபத்தை வழங்கியது. நிறுவனத்தின் நிகர லாபம் 22.8 சதவீதம் அதிகரித்து ரூ. 1,491.42 கோடியாக இருந்தது. மோட்டார் சைக்கிள்கள் மற்றும் ஸ்கூட்டர் விலைகள் உயர்ந்ததன் விளைவாக இந்த ஏற்றம் காணப்பட்டது.

FMCG நிறுவனமான நெஸ்லே இந்தியா அதன் 2023-24 காலாண்டில் முதல் காலாண்டில் வருவாய் அறிக்கையை இன்று வெளியிட உள்ளது. நெஸ்லே நிறுவனம் அதன் வருவாய் மற்றும் லாப வரம்புகளில் இரட்டை இலக்க வளர்ச்சியை வழங்கும் என்று எதிர்பார்க்கப்படுகிறது. அதன் வளர்ச்சி முக்கியமாக விலை உயர்வு மற்றும் பால் பொருட்கள் விற்பனை சிறப்பாக இருப்பதால் வருவாய் அதிகரிக்கும் என எதிர்ப்பார்க்கப்படுகிறது.

நாட்டின் மிகப்பெரிய மியூச்சுவல் ஃபண்ட் நிறுவனங்களில் ஒன்றான ஹெச்டிஎஃப்சி மியூச்சுவல் ஃபண்டும் அதன் 4வது காலாண்டு முடிவுகளை இன்று வெளியிட உள்ளது. 2022ம் ஆண்டின் டிசம்பரில் முடிவடைந்த மூன்று மாதங்களில், சொத்து மேலாண்மை நிறுவனம், அதன் வரிக்குப் பிந்தைய லாபம் 3 சதவீதம் உயர்ந்து ரூ.369.5 கோடியாகப் பதிவாகியுள்ளது.

டாடா கன்ஸ்யூமர் நிறுவனம் மார்ச் காலாண்டின் வருவாய் அறிக்கையை இன்று வெளியிட உள்ளது. இதையடுத்து திங்களன்று அதன் பங்குகள் 4.63 சதவீதம் உயர்ந்து ரூ. 732.45 ஆக முடிந்தது. 2022ம் ஆண்டு டிசம்பர் காலாண்டில் அதன் நிகர லாபம் 25.6 சதவீதம் உயர்ந்து ரூ.364.43 கோடியாக இருந்தது. இது ஒரு வருடத்திற்கு முன்பு இதே காலகட்டத்தில் ரூ. 290.07 கோடியாக இருந்தது.

மஹிந்திரா அதன் இரண்டு வணிக பிரிவுகளின் முடிவுகளை வெளியிடும் என எதிர்ப்பார்க்கப்படுகிறது. அதாவது மஹிந்திரா CIE மற்றும் மஹிந்திரா ஹாலிடே.

மஹிந்திரா CIE பங்குகள் திங்களன்று 2.67% குறைந்து ரூ.362.90 ஆக முடிந்தது. அதேசமயம், மஹிந்திரா ஹாலிடே பங்குகள் திங்களன்று 0.33% குறைந்து ரூ. 299.35 ஆக இருந்தது. மற்ற இரண்டைப் போலவே, மஹிந்திரா லைஃப் நிறுவனத்தின் பங்குகளும் திங்களன்று 2.26% உயர்ந்து ரூ. 375.00 ஆக முடிந்தது.

2022ம் ஆண்டு டிசம்பருடன் முடிவடைந்த காலாண்டில், மஹிந்திரா CIE தனது விற்பனையில் 34 சதவீதம் உயர்ந்து ரூ. 2246.84 கோடியாகப் பதிவாகியுள்ளது. நிறுவனத்தின் நிகர லாபம் ரூ. 80.23 கோடியுடன் ஒப்பிடும்போது ரூ. 657.81 கோடியாக இருந்தது.

2021 ஆம் ஆண்டில் ரூ. 6765.17 கோடியுடன் ஒப்பிடுகையில், 2022ம் ஆண்டில் டிசம்பரில் ரூ. 136.17 கோடி நிகர இழப்பைப் பதிவு செய்துள்ளது.

இந்நிறுவனங்களில் காலாண்டு முடிவுகள் பங்குச்சந்தையின் ஏற்ற இறக்கத்தை தீர்மானிக்குமா என்பதை பார்க்கலாம்!