வர்த்தக பயன்பாட்டிற்கான கேஸ் சிலிண்டர் விலை ரூ.157 குறைப்பு!

வர்த்தக பயன்பாட்டிற்கான கேஸ் சிலிண்டரின் விலையை ரூ.157.50 குறைத்துள்ளது ஒன்றிய அரசு.

உக்ரைன் – ரஷ்யா போர் தொடங்கியதையடுத்து, கச்சா எண்ணெய் விலை அதிகரித்து, பெட்ரோல், டீசல், சமையல் எரிவாயு சிலிண்டர் ஆகியவற்றின் விலை பன்மடங்கு உயர்ந்தது. எனினும், கச்சா எண்ணெய் விலை குறையத் தொடங்கியதையடுத்து, கடந்த 4 மாதங்களுக்கும் மேலாக பெட்ரோல், டீசல் ஆகியவற்றின் விலை உயர்த்தப்படவில்லை.

இந்நிலையில், வர்த்தகப் பயன்பாட்டுக்கான சமையல் எரிவாயு சிலிண்டர் விலையை எண்ணெய் நிறுவனங்கள் குறைத்துள்ளன. இதன்படி, 19 கிலோ எடையுள்ள வர்த்தகப் பயன்பாட்டு சிலிண்டரின் விலை ரூ.157.50 குறைக்கப்பட்டுள்ளது. அதன் விலை ரூ.1,852.50-ல் இருந்து, ரூ.1,695-ஆக குறைந்துள்ளது. கடந்த மே 19-ம் தேதிக்கு பின்னர் வர்த்தகப் பயன்பாட்டுக்கான சிலிண்டர் விலை 5-வது முறையாக குறைக்கப்பட்டுள்ளது குறிப்பிடத்தக்கது.