தென் ஆப்பிரிக்காவில் தங்கச் சுரங்கம் இடிந்து விழுந்ததில் 31 பேர் உயிரிழப்பு…

தென் ஆப்பிரிக்காவில் உள்ள ப்ரீஸ்டேட் மாகாணத்தில் தங்கச் சுரங்கம் இடிந்து விழுந்ததில் 31 பேர் உயிரி இழந்துள்ளனர்.

கனிம வளங்களை காப்பதற்கு தென் ஆப்பிரிக்க அரசு ஏராளமான தங்கச் சுரங்கங்களை மூடி வருகிறது. இந்நிலையில் சட்டவிரோதமாக அனுமதி இல்லாமல் நடத்தி வந்த தங்கச் சுரங்கம் இடிந்து விழுந்ததில் தொழிலாளர்கள் உயிரிழந்துள்ளனர்.

தென் ஆப்பிரிக்காவின் ப்ரீஸ்டேட் மாகாணத்தில் சுரங்கம் ஒன்று இடிந்து விழுந்தது. கட்டிட இடிபாடுகளில் சிக்கி 31 தொழிலாளர்கள் இறந்தனர். மேலும் பலர் காயமடைந்தனர். கடந்த மாதம் 18-ஆம் தேதி சட்டவிரோதமாக சுரங்கம் தோண்டி எடுத்துக் கொண்டிருந்தபோது இந்த வெடி விபத்து ஏற்பட்டதாக கூறப்படுகிறது.

அந்தச் சம்பவம் இப்போது வெளிச்சத்திற்கு வந்திருக்கிறது. அதுகுறித்து அதிகாரிகள் தெரிவிக்கும்போது, “ப்ரீஸ்டேட் மாகாணம், வெல்காம் நகரில் உள்ள தங்கச் சுரங்கத்தின் செயல்பாடு கடந்த 1990-களில் நிறுத்தப்பட்டது. அதிலிருந்த கனிம வளங்கள் தீா்ந்துவிட்டதால் அது மூடப்பட்டது. இந்த சுரங்கத்தில் அவ்வப்போது சட்டவிரோதமாக கனிம படிவங்கள் வெட்டி எடுக்கப்பட்டு வருகிறது. மேலும் சுரங்கப் பணியின் போது எதிர்பாராமல் நடந்த வெடிவிபத்தினால் 31 பேர் இடிபாடுகளில் சிக்கி உயிரிழந்துள்ளனர்.

இந்த சம்பவம் தொடர்பாக 16 பேர் போலீசாரிடம் சரணடைந்துள்ளனர். 2 பேரின் உடல்கள் மீட்கப்பட்டுள்ளது. விபத்து ஏற்பட்ட சுரங்கப் பகுதி மிகவும் அபாயகரமானது என்பதால் மீட்டுப்பணிகள் தாமதமாக நடைபெற்று வருகிறது.” என தெரிவித்தனர்.