அதிவேக இணைய சேவைக்காக 48 செயற்கோள்களை விண்வெளிக்கு அனுப்பிய ஸ்பேஸ் எக்ஸ் நிறுவனம்!

அதிவேக இணைய சேவையை வழங்குவதற்கா 48 செயற்கைகோள்களை விண்வெளிக்கு அனுப்பியது அமெரிக்காவைச் சேர்ந்த தனியார் விண்வெளி நிறுவனம் ஸ்பேஸ் எக்ஸ்.

அமெரிக்காவை சேர்ந்த பிரபல தனியார் விண்வெளி நிறுவனம் ஸ்பேஸ் எக்ஸ் குறைந்த செலவில் செயற்கைக்கோள்கள் மற்றும் மனிதர்களை விண்வெளிக்கு அனுப்பி வருகிறது. அந்தவகையில் சமீபத்தில் கூட மனிதர்களை அது விண்வெளிக்கு அனுப்பிய செய்தி பரவலாக அறியப்பட்டது.

இந்நிலையில் அதிவேக இணைய சேவையை வழங்குவதற்காக 48 செயற்கைகோள்களை விண்வெளிக்கு அனுப்பியிருக்கிறது ஸ்பேஸ் எக்ஸ் விண்வெளி நிறுவனம். தற்போது கலிபோர்னியாவின் வான்டர்பெர்க் ஏவுதளத்தில் இருந்து 48 ஸ்டார் லிங்க் செயற்கைக்கோள்கள் அனுப்பப்பட்டன. பால்கன்-9 வகை ராக்கெட் மூலம் அனுப்பப்பட்ட இந்த செயற்கைக்கோள் அதன் சுற்றுப்பாதையில் நிறுத்தப்பட்டது.

இதன்மூலம் இணையம் முற்றிலும் கிடைக்காத இடங்களுக்கும் குறைந்த செலவில் அதிவேக இணையத்தை ஸ்டார் லிங்க் செயற்கைக்கோள்கள் வழங்கும் என ஸ்பேஸ் எக்ஸ் நிறுவனம் தெரிவித்துள்ளது.